Planplanuen ti Filipinas ti pannakakissay dagiti taripa kadagiti produkto manipud iti Estados Unidos tapno ma-reverse ti panangipakat ni Presidente ti US Donald Trump iti 17% a taripa kadagiti imported goods ti Filipinas, segun ken ni Trade Secretary Cristina Roque.
Maibasar iti listaan dagiti reciprocal tariff nga inruar ti White House, mapakatan ti Filipinas iti 17% a “discounted reciprocal tariff.”
Iti mainaig a report, nagsubli ti pisos iti ₱57 a level idi Lunes, Abril 7, kontra iti doliar ti US gapu iti pannakaseknan kadagiti baro a taripa nga impabaklay ni US President Donald Trump.
Kabayatanna, nagtalinaed a natangken ni Trump bayat nga agtultuloy ti panagbaba dagiti sangalubongan a merkado ken kimmaro ti panagdadanag a mapasamak ti recession wenno panagsuek ti ekonomia kalpasan ti panangipakaammona iti pannakaipakat ti nangatngato a taripa. (MANILA BULLETIN)
