Nayonan ti Filipinas ken Australia ti joint military exercise nga isayangkatda ita a tawen.
Daytoy ti impakaammo ti gobierno ti Australia idi Abril 7, tapno mapatibker pay ken mapasaknap ti panagtinnulong dagiti soldado ti dua a pagilian, a ti Filipinas ti kapatgan a kadua ti Australia iti panangdepensa, idinto a tarigagayan ti dua a pagilian ti natalna, natalged, ken narang-ay nga Indo-Pacific region.
Di kumurang iti 20 a panagsanay ti angayen ti Australian Defence Force (ADF) ken ti Armed Forces of the Philippines (AFP), a mamindua iti bilang ti panagsanayda idi 2024.
Nabuangay ti Joint Australian Training Team-Philippines (JATTP) idi 2019 a mangipaay iti Mobile Training Teams (MTT) manipud iti ADF a mangisayangkat ken mangipaay iti suporta iti panagsanay iti Filipinas.
Marcos, inkalikagumna ti disiplina iti kalsada iti baet ti yaadu ti mapagpagteng a road rage
Segun iti coordinator ti JATT-P a ni Major Lachlan Newham, maibatay ti panagsanay ita a tawen iti balligi dagiti napalabas a panagsanay a naisayangkat iti baybay, daga, ken tangatang. (Joseph Pedrajas/Manila Bulletin//Lito Hilidon/Bannawag)
