Kinompirmar ti Department of Foreign Affairs (DFA) a duan ti natay kadagiti uppat a Filipino a mapukpukaw gapu iti magnitude 7.7 a ginggined iti Myanmar idi Marso 28.
Segun iti statement ti DFA ita nga aldaw, Abril 10, kinompirmar ti Embahada ti Filipinas iti Yangon a nabigbigdan ti maikadua a Filipino a nairaman a natay gapu iti ginggined.
Itay Abril 9, kinompirmar ti DFA ti pannakatay ti maysa kadagiti uppat a Filipino a mapukpukaw iti Mandalay, Myanmar.
Napakaammuanen ti pamilia dagiti biktima, ngem saanda nga impalgak no asino dagiti biktima, kas panangraem iti kinapribadoda.
Marcos, inkalikagumna ti disiplina iti kalsada iti baet ti yaadu ti mapagpagteng a road rage
Iti sabali a bangir, mangnamnama ti DFA iti nasayaat a kasasaad ti dua a Filipino a di pay nasarakan iti Mandalay, Myanmar, bayat ti agtultuloy a panangsawarda.
Mapanen a 1,740 a katao manipud iti 20 a pagilian, a pakairamanan ti Filipinas, ti tumultulong iti rescue operations iti Myanmar. (Argyll Cyrus Geducos/Manila Bulletin//Lito Hilidon/Bannawag)
