Inkalintegan ni kandidato a diputado ti Pasig City Christian “Ian” Sia idi Abril 9, a saanna a linabsing ti discrimination against women gapu iti sinaona mainaig kadagiti single mother.
Daytoy ti insungbat ni Sia iti show cause order (SCO) nga impaulog ti Commission on Elections (Comelec), ket impaganetgetna a dagiti sinaona bayat ti panagkampaniana ket saan a panangidumduma, panangilaksid, panangtengngel, pananglais, wenno panangriribuk kadagiti single mother.
Impaganetget ni Sia a mabalin a nasabrak dagiti sinaona, ngem ti pakabuklan ti bitlana ket paset ti kalinteganna nga agsao.
Iti sungbatna iti Comelec, kinuestionar ni Sia ti konstitusionalidad ti Comelec Resolution No. 11116.
Marcos, inkalikagumna ti disiplina iti kalsada iti baet ti yaadu ti mapagpagteng a road rage
Segun ken ni Sia, adda depekto ti Comelec Resolution No. 11116 ta naipaulog daytoy maibatay iti Section 13 ti Republic Act No. 9006.
Ket uray pay ipagarup a balido ti Resolution No. 11116, inrupir ni Sia a dina linabsing daytoy a linteg gapu iti insawangna iti Abril 3, 2025. (Hannah L. Torregoza/Manila Bulletin//Lito Hilidon/Bannawag)
