Nagpirma dagiti kandidato para iti nagduduma a posision iti Abra a kameng ti dua nga agkaribal a grupo ti politika iti katulagan para ti kappia iti Camp Juan Villamor iti ili ti Bangued idi Marso 31, 2025. (Ladawan: PIA-Abra)

Ingganetget manen ti Department of the Interior and Local Government (DILG) kadagiti lokal a kandidato iti Abra ken iti sibubukel a rehion a siguraduenda ti pannakagun-od iti patas ken natalged nga eleksion a nawaya dagiti botante a mangpili kadagiti kandidatoda.

Kinuna ni direktor ti DILG-Cordillera Administrative Region (CAR) Araceli San Jose idi Hueebes, Abril 10, a “masapul nga agtitinnulongtayo tapno maitandudo ti integridad ti eleksion ken kangrunaanna, mataginayon ti natalna nga aglawlaw para kadagiti botantetayo.”

Segun ken ni San Jose, agtultuloy ti panangsuportar ti DILG-CAR kadagiti gannuat ken programa para iti pannakataginayon ti kappia ken kinatalged ti publiko nangruna ta asidegen ti eleksion.

Addan ti DILG iti direkta a panangimaton iti Philippine National Police (PNP) a naikkan iti annongen a mangipasigurado iti kinatalna ken kinaurnos kadagiti komunidad.

Lokal

Red tide, naduktalan kadagiti baybay ti Bolinao, Anda

Nangipatulod ti Police Regional Office (PRO)-CAR iti nayon a 100 a police personnel iti Abra tapno tumulong a mangpainget iti checkpoint operations iti probinsia ken mangipasigurado iti kinatalged ti publiko iti baet ti agsasaruno nga insidente ti pammaltog.

Madagdagus met a nireliebo ti PRO-CAR ti PNP provincial director ti Abra babaen ti pananganamong ti COMELEC gapu kadagiti saan a nasolbar a kaso ti pammaltog malaksid pay kadagiti insidente ti panagipuruak ken panagbettak ti granada.

Imbilin met ni direktor ti PROCAR Brig. Gen. David Peredo ti naing-inget a police visibility iti nadumaduma a paset ti probinsia tapno maleplepan ti pannakaiwayat dagiti krimen ken maupay ti panagimet iti paltog iti ruar ti pagtaengan.

“Lumalakas ang loob ng mga tao kapag may hawak na baril kaya kailangan paikutin natin ang mga pulis para maagapan, makita kapag may mga kahina-hinalang nakasukbit sa katawan. Isa iyan sa mga nakikita natin na pwedeng solusyon sa mga shooting incident. Kapag nakakakita din ang mga tao na may mga pulis na nag-iikot sa paligid, mas matatakot din ang kriminal na gumawa ng masama kaya hiniling ng regional peace and order council na tumulong ang mga LGU sa pag-provide ng gasoline para parating paikot-ikot lang ang mga sasakyan natin," kinuna ni Peredo. (Liza Agoot/Philippine News Agency)