BAGUIO CITY – Nakompiskar ti Philippine Drug Enforcement Agency iti aggatad iti P397 milion a shabu ken marihuana iti Cordillera iti umuna nga apagkapat ti tawen.
Aganay a 742 nga operasion kontra iti illegal a droga ti insayangkat ti ahensia—214 a marijuana eradication, 86 a buy-busts, ken 30 a search warrant.
Kadagitoy nga operasion, 69 a drug pusher ken 30 nga agikut iti droga ti naarestar. Dua a drug den met ti rinakrakda ken dua a bisita iti drug den ti inarestarda.
Kinuna ti Regional Barangay Drug Clearing nga iti 1,178 a barangay iti Cordillera, 798 ti nadalusanen iti droga, 382 ti awanan iti droga, ken 18 ti apektado iti droga.
LGU-Santa Teresita, Cagayan, sinangailina ti Dap-ayan 2025 dagiti mannurat nga Ilokano
Kinuna ti PDEA a ti karit kadakuada ita ket no kasano a pugipogen ken dalusanda dagiti 18 a barangay nga apektado iti maiparit a droga ken pagnanaedan dagiti drug personalities. Dua kadagitoy a barangay ti addaan iti plantasion iti marihuana ken innem a barangay ti pagigianan dagiti drug personalities.
(Zaldy Comanda/Manila Bulletin)
