Flores-Melegrito, baro a presidente ti GUMIL Metro Manila

Napili a presidente ti GUMIL Metro Manila, gunglo dagiti mannurat nga Ilokano iti Metro Manila, ni Faye Q. Flores-Melegrito iti naangay nga eleksion ti gunglo idi Abril 6, 2025 iti Marilao, Bulacan.

Kakaduana a nabotosan da Roy V. Aragon (bise presidente), Lito P. Hilidon (sekretario), Eden L. Cachola-Bulong (tesorera), Simeon C. Berroy (auditor), Juan Al. Asuncion (business manager), Freddie G. Lazaro (PRO).

Kameng ti Hunta Direktiba da Linda T. Lingbaoan-Bulong, Ma. Rose Atencio-Cabie, Leonardo S. Fagaragan, Anna Liza M. Gaspar, Cles B. Rambaud ken Ariel Sotelo Tabag.

Biag ti Mannurat

Bautista, Domaloy, padayawan ti GUMIL Filipinas kas 2025 Pedro Bucaneg awardee, 2025 Pamulinawen awardee

Agpaay met a mamagbaga da Jose A. Bragado, Dionisio S. Bulong ken Honor Blanco Cabie.

***

Bisquera-Beñas, nailayon a presidente ti GUMIL Abra

Nailayon a presidente ti GUMIL Abra, gunglo dagiti mannurat nga Ilokano iti Abra, ni Dr. Maria Teresa G. Bisquera-Beñas iti naangay nga eleksion ti gunglo idi Abril 6, 2025 iti Bangued, Abra.

Kakaduana a nabotosan da Teresita Tingonong-Ambalneg (bise presidente), Darren Cariño (sekretario), Dr. Joey M. De La Cruz (tesorero), Roberto Palope (auditor), Alfredo Verzosa (business manager), ken Vincent Cab. Berroy (PRO).

Kameng ti Hunta Direktiba da Dr. Leticia M. Benabese, Dr. Gerardo Palcon, Esmeralda Gaeralan-Valera, Alejandro Martinez, Rolando Cabañero.

Agpaay met a mamagbaga da Hermilinda T. Lingbaoan-Bulong, Prescillano N. Bermudez ken Pastor Rommel B. Tubadeza.

***

Dumayas, baro a presidente ti GUMIL Ilocos Norte

Nabotosan ni Delfin P. Dumayas a baro a presidente ti GUMIL Ilocos Norte, gunglo dagiti mannurat iti Ilocos Norte, iti naangay nga eleksion ti gunglo idi Marso 30, 2025 kalpasan ti pannakaiwayat ti GUMIL Dan-ay. Sinukatanna ni Renato Taylan a nagtakem iti innem a tawen.

Dadduma pay a nabotosan nga opisial: Leonora Reyes Melchor, Bise Presidente; Michael John Baxa Ancheta, Sekretario; Josefa Agtarap, Katulongan a Sekretaria; Avelina Camacho, Tesorera; Adoracion Salantes, Katulongan a Tesorera; Abraham Aguino, Auditor; Leah Sambrano, Business Manager; Ritz Melver Gomez, PIO (print); Nestor Marcos, PIO (Broadcast).

Dagiti kameng ti Hunta Direktiba: Rosario Lamug, Daniel L. Nesperos, Jorge Richard Guerrero, Arnel M. Asis, Romel A. Pascua, Froilan A. Mangoba, ken Renato A. Taylan (Ex-Officio).

Dagiti Mamagbaga: Norberto D. Bumanglag, Jr., Elizabeth Madarang-Raquel, Joel B. Manuel, Mario T. Tejada, Ryan Dulig, ken Aileen R. Rambaud.

***

Baro nga opisial ti GUMIL Isabela, napili

Naballigi ti panagtataripnong dagiti kameng ti GUMIL Isabela (GISA) para iti maudi a kuarter ti tawen a naangay iti SASCAL Building, Aurora Heights Subdivision, Alicia, Isabela idi Nobiembre 9, 2024.

Pannakapatibker ken pannakaitandudo ti Literatura Ilokana iti probinsia ti Isabela ti maysa kadagiti kangrunaan a napagsasaritaan ti gunglo iti naangay a taripnong.

Daytoy ket babaen iti pannakaitultuloy ti regta ken gagar dagiti miembro a mangbiag ken mangpasubli iti namunganayan a rayray ken siglat ti ing-ingungoten a GUMIL Isabela.

Iti nasao a panagiinnuman, napabaro dagiti opisial ti gunglo kas maysa a wagas tapno mapatpatibker pay ti adbokasia ti grupo a panangpasantak iti kinailokano dagiti Isabelino.

Nadutokan dagiti sumaganad nga agtakem iti GUMIL Isabela para iti 2025-2027: Dominador N. Rodulfo (Presidente), Domingo A. Presa (Bise-Presidente), Honorata Videz M. Pinto (Secretaria), Rizalina S. Echanes (Tesorera), Rodel Ramos (Auditor), Franklin Y. Ramones (Business Manager), Rogelio Abuan (Mannarawidwid).

Idauluan met laeng ni Rodulfo ti Board of Trustees a pagkamengan da Feliciano Danipog, Celina R. Acob, Rose Gacusan, Manuel Cabungcal, Myrna M. Valdez, ken Pilarica Palayad.

Agpaay met a mamagbaga dagiti pasado a presidente ti GISA a da Baldovino Ab. Valdez, Franklin Macugay, Villamor Visaya, Mindo N. Aquino, Marcelo Llorenas, ken Estela L. Failma Pones.