Ni dati a senador Kiko Pangilinan, iti panangibukbokna iti gatas ti nuang iti innapuy iti kelleb ti kaldero, idiay San Luis, Pampanga. (Screengrab manipud iti Facebook account ni Kiko Pangilinan)

Inawagan ni kandidato para senador Francis "Kiko" Pangilinan a maysa nga “organisado” ken “mayat ti pannakapondona” a kampania ti disinformation ti kaudian a viral a video iti social media a mangipakpakita kenkuana a mangmangan iti innapuy a nalabayan iti presko a gatas ti nuang iti kelleb ti kaldero a nakagun-od iti kritisismo manipud kadagiti netizen.

Iti Facebook Live-na idi Sabado, Abril 12, binabalaw ti dati a senador ti dagiti online a panagatakar kenkuana dagiti troll tapno masabotahe ti kampaniana a kas senador. Indawatnana met kadagiti adda iti likudan ti nasao a disinformation a lumabanda koma iti patas.

“So, kapansin-pansin at maliwanag na recently, more so viciously, we have been subjected to trolling, bashing, and organized and orchestrated way na clearly hindi ito online organic audiences kung hindi most likely base sa ating nakikita, orchestrated, well-funded machinery para siraan ang ating kampanya,” kinunana.

“Ang appeal natin, unang-una sa mga kandidato na nasa likod nito, sana gastusan na lang ninyo (na) ipakilala ang sarili niyo at ipakilala ang inyong mga nagawa, inyong mga resibo,” innayonna, nupay dina dinakamat no asino dagiti kandidato a dakdakamatenna.

Nasional

Mayor ti Valenzuela, inyendorsona ti kandidatura ni Camille Villar iti kinasenador

Inawaganna ti disinformation campaign kontra kenkuana a kas “desperado” ket binabalawna dagiti karibalna a kandidato a nakasagana nga agbusbos iti minilion a pisos tapno dadaelenda isuna.

Mauy-uyaw ken mababbabalaw ni Pangilinan iti social media iti agdama gapu iti video a mangmangan isuna manipud iti kelleb ti kaldero iti food vlog collaboration-da ken ni social media personality Romeo Catacutan.

Ngem iti maysa a paset ti video, mangngegan ni Catacutan a nangidawat iti maysa a kaduana nga ikkanda ni Pangilinan iti kelleb ti kaldero tapno makakaan a nasayaat iti innapuy ken gatas ti nuang.

Inyebkas ni Pangilinan ti pannakadismayana gapu ta nagbalin a dakkel nga isyu ti kas kasimple ti food vlog-na idinto a naannayas ti ilalabas dagiti kampania dagiti rinuker a kandidato. (Raymund Antonio/MANILA BULLETIN)