Naitampok ti panangpabileg kadagiti agtutubo ken serbisio publiko iti Valenzuela City itay Abril 14 babaen ti opisial a panangyendorso ni Mayor Wes Gatchalian ti kandidatura ni Deputy House Speaker Camille Villar iti kinasenador bayat ti ibibisita daytoy iti Pamantasan ng Lungsod ng Valenzuela (PLV). Am-ammo kas mangidurdur-as kadagiti agtutubo iti tay-ak ti panagidaulo, dinayaw ni Gatchalian ti rekord ni Villar iti Kongreso, ken impaganetgetna ti lumawlawa nga impluensia dagiti ub-ubbing a henerasion iti panagpanday iti linteg.
Iti bitlana kalpasan ti seremonia ti panagisa iti bandera, kuna ni Gatchalian a saan laengen a malimitaran iti edad ti panagserbisio. Segun kenkuana, dagiti lider iti agdama ket agtutubo a ti panagidauloda ket dinamiko, inobatibo, ken inklusibo. Kunana, imet dagitoy ni Camille Villar.
Nagkaduada iti Maika-18 a Kongreso, linugayan ni Garchalian ni Villar gapu kadagiti gapuananna iti panagpanday iti linteg a nangbenepisiar kadagiti ub-ubbing a Filipino ken babassit a negosio. Impeksa ti mayor ti panagtalekna nga imet ni Villar ti isu met laeng a dedikasion iti Senado.
Innayon ni Gatchalian nga addaan ni Villar iti padas ken puso a mangidaulo, a naimatanganna mismo ti kinapasnek daytoy. Mamati pay ti mayor a napigsa ni Villar a mangidur-as iti Senado kadagiti agtutubo ken negosiante. Iti met panagbitlana iti sanguanan dagiti estudiante ti PLV, dinakamat ni Villar ti bileg ti edukasion a mamagbaliw, ken ti kritikal nga akem dagiti agtutubo iti masakbayan ti pagilian. Tinignayna dagiti estudiante a saan laeng nga agarapaap, no di pay agtignay.
Nora Aunor, 71, pimmusay
Kuna pay ni Villar a panawenen a dagiti estudiante, ken dagiti kameng ti Gen Z, Gen X, ken Millennials a saan laengen nga agpapaigid no di ket agbalin a paset ti solusion. Segun kenkuana, saan laeng nga umdas a saritaen ti panagbalbaliw no di ket agbalin a paset dayta a panagbalbaliw.
Innayonna pay a no man agdudua iti kabaelan gapu iti edad ken padas, dakdakkel ti kabaelan nga aramiden ngem ti adda a mapanunot ti maysa nga agtutubo. Kinaritna pay dagiti estudiante a saan nga agbuteng a mangsaranget kadagiti karit, ta tunggal maysa, addaan kabaelan a mangipaay iti panagbalbaliw.
Nagyaman ni Villar kada Mayor Gatchalian, PLV President Dr. Nedeña Torralba, Pastor Robert Reyes, ken kadagiti lokal nga opisial gapu iti nabara a panangpasangbay dagiti, ket dinakamatna a napateg iti nailian a progreso ti panagasmang ti lokal a gobierno ken dagiti lider iti masakbayan.
Bayat ti yaasideg ti nailian nga eleksion, sumalsalida met ti kampania ni Villar gapu iti dumakdakkel a suporta kkenkuana dagiti lokal nga opisial ken agtutubo iti intero a pagilian.
