Pimmusayen ni National Artist for Film and Broadcast Arts Nora Aunor, kumakanta ken aktres, iti tawenna a 71.
Pinasingkedan ti anak ni Nora a ni aktor a ni Kristoffer Ian De Leon daytoy a nakalkaldaang a damag iti maysa a paskil iti Facebook idi Abril 16. Ni Nora pay ti ina dagiti aktres a da Lotlot De Leon ken Matet De Leon.
"Ay-ayatendaka, Mom… Ammo ti Dios no kasano ti panagayatmi kenka.. Aginanaka itan, Ma... Addaka laeng ditoy puso ken panunotmi," insurat ni Ian iti Facebook.
Kalpasanna, pormal nga impakaammo ni Ian ti ipapatay ti inana.
Mayor ti Valenzuela, inyendorsona ti kandidatura ni Camille Villar iti kinasenador
"With deep sorrow and heavy hearts, we share the passing of our beloved mother, Nora C. Villamayor ‘Nora Aunor’ who left us today April 16, 2025 at the age of 71.
"She was the heart of our family — a source of unconditional love, strength, and warmth. Her kindness, wisdom, and beautiful spirit touched everyone who knew her. She will be missed beyond words and remembered forever.
"Details to be announced tomorrow."
Maysa kadagiti star a nagladingit iti ipapatay ni Nora ket ti karibalna iti showbiz a ni Star for all All Seasons Vilma Santos-Recto. Iti social media, insurat ni Ate Vi: "Our sincerest condolences and prayers. Rest in peace, mare. Ms Nora Aunor! Our Superstar and National Artist ... Maraming salamat!"
Dinayyeg ti ipapatayna ti industria ti pelikula ti Filipinas, nga agladladingit pay laeng iti ipupusay ni Asia’s Queen of Songs Pilita Corrales idi Abril 12.
Naudi a nagparangan ni Nora ti horror movie a "Mananambal" nga improdius ti Viva Films. Sakbay daytoy, nagbida met ni Nora iti drama a "Piyeta" nga indirihe ni Adolf Alix Jr.
Iti maysa nga interbiu idi Agosto 2023, kinuna ni Nora a nasalun-at isuna, nupay inaminna a pagbabawyanna ti panagsigsigariliona iti napalabas. "Okay naman ako."
"Naabuso ko noon ang sarili ko. Kaya kayo huwag kayong maninigarilyo," kinuna ni Nora, innayonna nga ad-adda a nagbalin a health conscious.
Kinuna pay ti superstar: "Hindi na talaga ako naninigarilyo. Namatay na ako eh. Ang laki ng pasamat ko andito pa ako. Palagay ko may misyon pa ako sa buhay. Marami pa tayong pasasayahin na tao."
Iti napalabas, binalakadan dagiti doktor ni Nora nga isardengnan ti agsigarilio kalpasan a nayospital gapu iti panagrigatna nga umanges.
Naipasngay iti Iriga, Camarines Sur idi Mayo 21, 1953, ni Nora, a ti pudno a naganna ket Nora Villamayor, ket timmayaktak iti kinalatak idi nangabak iti grand finals ti Tawag Ng Tanghalan idi 1967.
Malaksid a recording artist, nagbalin met ni Nora a maysa kadagiti kaaduan ti pammadayawna nga aktres iti pelikula iti Filipinas, a nagparang kadagiti pelikula a dinaydayaw dagiti kritiko kas iti "Himala," "Bona," "The Flor Contemplacion Story," "Tatlong Taong Walang Diyos," "And God Smiled At Me," "Bulaklak Sa City Jail," "Thy Womb," ken dadduma pay.
Kalpasan ti no mano a daras a pannakainominarna, naideklarar ni Nora a maysa kadagiti baro a National Artist idi 2022.
Idi 1992, naitampok ni Nora iti FAMAS Hall of Fame. Naipaayan iti FAP Lifetime Achievement Award idi 1993. Ket idi 1999, maysa kadagiti immawat iti Centennial Honors for the Arts nga inted ti Cultural Center of the Philippines kadagiti 100 a Filipino a nakaaramid iti dakkel a kontribusion iti kultura ken arte iti maika-20 a siglo.
Idi Nobiembre 2012, nangabak ni Nora iti Best Acress Award manipud iti 6th Asia Pacific Screen Award, a gapuna ket nagbalin isuna a kaunaan a Filipino nga aktor a naitampok kas kameng ti Asia Pacific Screen Academy. Nangabak met laeng a Best Actress iti 7th Asian Film Awards. (Robert Requintina/MANILA BULLETIN)
