Agarup 17,000 a kameng ti militar manipud iti Armed Forces of the Philippines (AFP) ken United States Indo-Pacific Command (Indopacom) ti sangsangkamaysa nga agsanay iti las-ud ti tallo a lawas kas paset ti Balikatan Exercise ita a tawen, a mangrugi ita nga aldaw, Abril 21, iti Camp Aguinaldo iti Siudad ti Quezon.
Segun ken ni daulo ti AFP General Romeo Brawner Jr., maitampok iti maika-40 a Balikatan Exercises ti full-scale battle a panagsanay tapno mapasayaat ti panagtinnulongda iti tiempo ti gubat, partikular iti West Philippine Sea (WPS) wenno iti Taiwan nga asideg iti Batanes a pagtalinaedan ti China.
Nagtitipon nga adal ken proseso ti militar ti mairaman iti panagsanay, a paliiwen dagiti 20 a pagilian agingga iti Mayo 9.
Iti kallabes, inyebkas ni Presidente Ferdinand Marcos Jr. ti tarigagayna a makipaset iti maysa kadagiti Balikatan Exercises nga angayen ti militar ti dua pagilian iti umuna a gundaway.
Komite a mangtaming iti panagraira ti fakenews, binukel ti PNP
Maaramid ti Balikatan Exercises iti probinsia ti Cagayan, Batanes, Zambales, Palawan, ken iti WPS. (Martin Sadongdong/Manila Bulletin//Lito Hilidon/Bannawag)
