Agtalek ni Bise Presidente Sara Duterte kadagiti abogadona a mangabakda iti impeachment trial a mangrugi inton Hulio iti Senado.
Iti maysa nga interbiu iti Danao City, Cebu ita nga aldaw, Abril 22, kinuna ni Duterte a kinasaritana a dagus dagiti abogadona apaman a simmangpet manipud iti The Hague, Netherlands, a napananna iti makabulan tapno tulunganna ti defense team ti amana a ni dati a presidente Rodrigo Duterte.
Segun ken ni Duterte, dakkel ti panamati dagiti abogadona a mangabakda iti impeachment case.
Nupy kasta, saanen a nangted ni Duterte iti detalye iti panagsaganada iti impeachment trial.
Abril 22, naideklarar a Day of National Mourning para ken Nora Aunor
Impaulog ti Kamara ti impeachment kontra ken ni Duterte idi Pebrero 5 gapu iti maipagarup a di umno a panagusar iti pondo ti gobierno, incitement to insurrection, ken dadduma pay nga impeachable offense.
Naikeddeng a sumango ni Duterte iti impeachment trial ti Senado inton Hulio. (Raymund Antonio/Manila Bulletin//Lito Hilidon/Bannawag)
