Inted ti Philippine Center for Postharvest Development and Mechanization (PhilMech) ti nasurok a 30,000 a makina a pagtalon kadagiti mannalon, kooperatiba, ken local government units (LGUs) idi 2024.
Iti accomplishment report nga indatag ni Sekretario ti Department of Agriculture (DA) Francisco Tiu Laurel, nakagatang ti PhilMech iti agdagup iti 32,694 a makina babaen ti Rice Competitiveness Enhancement Fund (RCEF) idi napan a tawen.
Iti daytoy a bilang, 30,549 a yunit ti naiwaras iti 7,493 a benepisiario. Naikeddeng a mayawat dagiti natda a makina inton Hunio.
Segun iti PhilMech, nagdalan dagiti benepisiario iti nainget a validation process a pakairamanan ti pannakasukimat ti taltalon ken dokumento tapno mapatalgedan ti kabaelanda a mangusar ken mangmantener kadagiti makina.
Suportaran dagiti lider ti Zambales ti kandidatura ni Camille Villar iti Senado
Nangted pay ti PhilMech iti 5,300 a yunit a mausar iti panagapit ken panagtalon kas iti tractor, seeder, harvester, dryer, ken milling systems.
Segun ken ni Laurel, ti panagbaliw a manipud tradisional ket agturong iti moderno a teknolohia ti panagtalon tapno maksayan ti gastos iti panagmula iti pagay, a mangpababa met iti presio ti bagas. (Dexter Barro II/Manila Bulletin//Lito Hilidon/Bannawag)
