Agpa-Roma ni Cardinal Pablo Virgilio David iti daytoy a Huebes, Abril 24, tapno atendaranna ti pumpon ni Pope Francis ken tapno makipartisipar iti papal conclave pannakapili ti sumaruno a pangulo ti Iglesia Katolika.
Agpumpon ti Santo Papa inton Sabado, Abril 26.
“Before the papal conclave, syempre [ang punta natin sa Rome ay] ‘yung funeral muna ng ating mahal na santo papa na magaganap sa Sabado,” kinuna ni Cardinal David iti pannakiuman kenkuana ti GMA itoy nga aldaw, Mierkoles, Abril 23.
Suportaran dagiti lider ti Zambales ti kandidatura ni Camille Villar iti Senado
Gagangay a marugian ti papal conclave 15 agingga iti 20 nga aldaw kalpasan ti ipupusay ti Santo Papa, nupay mabalin met a mabaliwan ti iskediul.
“Nagbibilang tayo ng 15 to 20 days pagkamatay ng Santo Papa para masimulan ang conclave. Syempre nagbabago ‘yun depende sa availability ng cardinal electors na manggagaling sa iba’t ibang sulok ng daigdig,” kinuna ni Cardinal David, nga agpapaay pay a presidente ti Catholic Bishops’ Conference of the Philippines (CBCP).
Innayonna a masapul nga adda di nababbaba ngem dua-nga-apagkatlo dagiti amin a cardinal elector ti adda tapno marugian ti pannakapili ti sumaruno a Santo Papa.
Daytoy met ti umuna a gundaway nga agpaay ni Cardinal David a kas papal elector. Kaduana nga elector manipud iti Filipinas da Cardinal Luis Antonio Tagle ken Cardinal Jose Advincula.
Inlawlawag met ni Cardinal David ti pammati ti adu a “maikulong” dagiti papal elector iti Sistine Chapel agingga a dida mapili ti sumaruno a Santo Papa.
“The better word is mag-re-retreat. Kasi ganoon ang eleksyon para sa simbahang Katolika. Malayo tayo sa kilala nating mga eleksyon na maingay na maraming kumakandidato at may tarpaulin, may ayuda, at kung ano-ano pa. Walang ganyan sa halalan ng santo papa,” kinunana.
Innayonna: “Ito ay isang retreat dahil ang mahalaga ay hindi ‘yung malaman namin kung sino ang iboboto namin kundi ang gusto ng Panginoon na pipiliin namin. We will do that sa konteksto ng prayer and discernment.”
Inlawlawagna met a ti termino a “conclave” ket naggapu iti ramut a balikas nga Espaniol a “clave,” a kayatna a sawen, “tulbek,” a mangisimbolo iti panagmaymaysa dagiti kardinal iti maysa a lugar tapno maiturong a naan-anay ti panunotda iti panagkararag. (Bannawag News Team)
