Kas maysa a National Artist, naitabon ni Superstar Nora Aunor iti Libingan ng mga Bayani iti Siudad ti Taguig City idi Abril 22, bayat a naguummong dagiti pamiliana, gagayyem, ken mangsupsuportar kenkuana tapno ipaayda ti maudi a pammapakadada.
Pimmusay ni Nora, 71, National Artist for Film and Broadcast Arts, gapu iti acute respiratory failure idi Abril 16. Sakbay ti naangay nga state funeral, linagip dagiti simmarungkar a celebrities ti biag ni Nora kabayatan ti necrological service a naangay iti Metropolitan Theatre iti Siudad ti Manila.
Indeklarar met ni Presidente Ferdinand Marcos Jr. ti Abril 22, 2025 kas aldaw ti nailian a panagladingit gapu iti ipupusay ni Nora.
Kabayatanna, dua a resolusion a mangpadayaw iti biag ken gapuanan ni Nora Aunor ken ti Asia’s Queen of Songs a ni Pilita Corrales, ti naipila iti Senado. (MANILA BULLETIN)
