Umay iti Filipinas ti Prime Minister ti Japan a ni Ishiba Shigeru para iti official visit inton Abril 29 agingga iti 30, segun iti Malakanyang.
Iti maysa nga statement, kinuna ti Malakanyang a da President Ferdinand Marcos Jr. ken First Lady Liza Araneta-Marcos ti mangpadanon ken ni Prime Minister Ishiba ken ti kaingungotna a ni Ishiba Yoshiko, para iti opisial a panagsaritada inton Abril 29.
Pagsaritaan dagiti dua a daulo dagiti agpada a parikut dagiti pagilianda.
Panggep da Presidente Marcos ken Prime Minister Ishiba a pasayaaten ti panagtinnulongda iti ekonomia ken panangpadur-as, tulag iti politika ken depensa, ken panagbinninglay dagiti tattao.
Suportaran dagiti lider ti Zambales ti kandidatura ni Camille Villar iti Senado
Naudi a nagsarak dagiti dua a daulo iti Vientiane, Lao iti naangay a Southeast Asian Nations (ASEAN) Summits idi Oktubre 2024. (Argyll Cyrus Geducos/Manila Bulletin//Lito Hilidon/Bannawag)
