Maekspektar nga agtultuloy ti napudot a panawen nga agdama a mangapektar iti pagilian kadagiti sumaruno a lawas, idinto a saan pay simmangbay ti kangitingitan a paset ti kalgaw, segun iti Philippine Atmospheric, Geophysical and Astronomical Services Administration (PAGASA) ita a Huebes, Abril 24.
Inlawlawag ni weather specialist ti PAGASA Chenel Dominguez a nupay nangaton dagiti temperatura iti agduduma a lugar iti pagilian, saan pay a nadanon ti talaga a kapudotna.
Kinunana a maekspektar nga ad-adda pay a kumaro ti pudotna kadagiti sumaruno a lawas, a ti kangatuan a paset ti nabara ken namaga a panawen ket mabalin a masungad pay laeng.
Kadawyan a Mayo ti kapupudotan a bulan ti tawen.
Marcos: Serbianyo a nasaysayaat dagiti umili babaen ti teknolohia
Imbinsa ti PAGASA a dagiti kangatuan a heat index a nairekord iti daytoy nabara ken namaga a panawen ket kadagiti sumaganad a lugar:
50°C iti Iba, Zambales (Abril 1)
50°C iti Los Baños, Laguna (Abril 15)
48°C iti Siudad ti Dagupan, Pangasinan (Marso 28 ken Abril 4)
48°C iti San Ildefonso, Bulacan (Abril 15)
47°C iti Siudad ti Cavite, Cavite (Abril 13)
46°C idiay San Jose, Occidental Mindoro (Marso 11)
45°C iti Siudad ti Tuguegarao, Cagayan (Marso 2)
45°C iti Virac, Catanduanes (Marso 25)
45°C iti Pili, Camarines Sur (Marso 25) (Ellalyn De Vera-Ruiz/MANILA BULLETIN)
