Pormal nga inyusuat ti Commission on Elections (Comelec) ita nga aldaw, Abril 28, ti panangrugi ti local absentee voting (LAV) para iti 2025 midterm elections, a mangipalubos iti nasurok a 57,000 nga empleado ti gobierno ken dadduma pay nga autorisado a botante, nga agbotosen sakbay ti Mayo 12.
Kinuna ni Comelec Chairman George Erwin Garcia a segun iti linteg, dagiti laeng empleado ken opisial ti gobierno, kameng ti Armed Forces of the Philippines (AFP), Philippine National Police (PNP), staff ti Comelec, ken dadduma pay a nadutokan nga agtrabaho inton Mayo 12 ti mapalubosan nga agbotos a nasakbay.
Dagiti laeng national position ti mabalin nga ibotos dagiti mairaman iti LAV.
Agdagup iti 57,689 ti nagpalista iti LAV a kaaduan kadagitoy ti naggapu iti Philippine Army; idinto a 922 nga opisial ken empleado ti Comelec ti mabalin nga agbotos a nasakbay.
Sen. Estrada, kompiansa nga agtalinaed ni Escudero a kas presidente ti Senado
Agpaut ti LAV manipud Abril 28 agingga iti 30 kadagiti naidesignar a LAV center. (Dhel Nazario/Manila Bulletin//Bannawag)
