Pinaputokan ti Philippine Navy iti Spike Non-Line of Sight (NLOS) missile system ti puntiriana iti baybay ti Mariveles, Bataan idi Abril 23, 2025. Kinuna ni PN spokesperson Capt. John Percie Alcos a sibaballigi a natiruan ti NLOS missile ti puntiria iti kaadayo a 24 a kilometroo. (Screengrab manipud iti video ti PN)

Inwaragawag ti Philippine Navy (PN) a maysa kadagiti baro a nagun-odda a missile boat ti sibaballigi a nangipaputok iti Spike Non-Line of Sight (NLOS) missile system iti iti puntiria daytoy iti taaw ti Mariveles, Bataan idi Abril 23.

"Nagteng ti PN ti sabali pay a modernization milestone babaen ti naballigi a live-fire demonstration ti Spike NLOS missile system a nailugan iti BRP Albert Majini (PG-909)," kinuna ni spokesperson ti PN Capt. John Percie Alcos.

Segun ken ni Alcos, sibaballgi dagiti NLOS missiles nga impaputok ti naval vessel a nangtiro iti puntiria iti agarup 24 a kilonetro ti kaadayona.

Kinuna ni Alcos a paset daytoy nga event ti "MISSILEX 2025" ti PN.

Nasional

Filipinas, New Zealand, agpirma iti tulag ti depensa

"Kabayatan ti exercise, sibaballigi dagiti tripulante ti PG9-09 a nangipatayab ti dua a kita ti Spike NLOS a missile, maysa a fragmentation missile, ken maysa a penetration blast-fragmentation (PBF) missile, nga agpada nga eksakto a nangtiro kadagiti puntiriada," innayonna.

Kinuna ni Alcos a naitampok pay ti swarm exercise a nakaipakitaan ti eksakto a close-range firepower ken tactical coordination ti BRP Tomas Campo (PG-908) ken BRP Albert Majini babaen ti panagusar iti 30mm Typhoon gun ken dua a .50 caliber Mini-Typhoon machine gun, a nangidemonstrar iti superior firepower ken tactical maneuvering iti real-world scenario. (Priam Nepomuceno/Philippine News Agency)