Nangibaon ti Police Regional Office 02 (PRO-2) iti augmentation forces manipud iti Regional Mobile Force Battalion 02 ken Philippine National Police-Special Action Force kadagiti probinsia ti Cagayan ken Isabela tapno masigurado ti pannakaisayangkat ti mapagtalkan nga eleksion.
Kinuna ni hepe ti PRO-2 a Police Brig. Gen. Antonio Marallag Jr. a papigsaenda dagiti police stations ken units kadagiti election areas of concern iti dua a probinsia.
Innayon ni Marallag a pabilgenda pay dagiti local police unit tapno masigurado ti seguridad kadagiti polling center, opisina ti Comelec, main roads, ken dadduma pay a napateg nga instalasion kasta met a paingetenda ti pannakaipatungpal dagiti checkpoint ken “Oplan: Sita” operations.
Kinunana a ti augmentation ket naibatay iti panagkumit ti PRO-2 a kas frontline security force iti eleksion. (Liezle Basa Iñigo, Freddie G. Lazaro/MANILA BULLETIN)
