Binilin ni Presidente Ferdinand Marcos Jr. ti National Food Authority (NFA) a nayonanda ti lebbenda a bagas tapno matulongan dagiti lokal a mannalon ken masigurado nga umdas ti suplay ti bagas iti pagilian.
Iti maysa a press conference a naangay ita nga aldaw, Abril 28, kinuna ni Undersecretary ti Presidential Communications Office (PCO) Claire Castro a ninayonanen ti NFA ti buffer stock-da a bagas, kas mayanatup iti bilin ni Presidente Marcos iti NFA a gumatangda iti irik kadagiti lokal a mannalon.
Segun ken ni Castro, paset daytoy ti gandat ti administrasion a mangpasayaat iti seguridad ti taraon, mangpatalna iti presio ti bagas, ken tumulong kadagiti mannalon.
Maibatay iti kinuna ni NFA Administrator Larry Lacson, mapanen a 10.1 a milion a sako ti irik ken 1.2 a milion a sako ti bagas ti naiserrek iti NFA. Umdas daytoy iti las-ud ti 10 nga aldaw a pagtaraon iti pagilian, ti kangatuan a nailanad sipud idi 2020.
Sara Duterte, idarumna dagiti opisial ti gobierno a patienna a nangpaarestar iti amana
Innayon ni Castro nga adda pay natda a ₱12 a bilion ti NFA a paggatangda iti irik ita a tiempo ti panagapit. (Argyll Cyrus Geducos/Manila Bulletin//Lito Hilidon/Bannawag)
