Indauluan ni Jobert M. Pacnis dagiti nangabak iti salip iti on-the-spot a panagsurat iti daniw iti "Dap-ayan 2025: Maika-57 a Nailian a Kombension Dagiti Mannurat nga Ilokano" a naangay iti Santa Teresita, Cagayan idi Abril 26-27.
Maipapan iti ili a Santa Teresita ti tema ti pasalip nga inisponsoran da Roger ken Rose Fagaragan ti Pinili, Ilocos Norte ken Waipahu, Hawaii.
Tubo ti Ballesteros, Cagayan, pinangabak ni Pacnis (maikatlo manipud kanigid, iti ladawan) iti Umuna a Gunggona ti daniwna a "Santa Teresita, Kaubingan nga Ili." Naipaay kenkuana ti ₱2,000 a premio.
Dadduma pay a nangabak: Hilario A. Espiritu Jr., Maikadua a Gunggona (₱1,500) babaen ti daniwna nga "Am-ammoka Idi... ken Ita;" Danilo A. Bautista, Maikatlo a Gunggona (₱1,000) babaen ti daniwna a "Daniwanka, Santa Teresita;" Roldan C. Antonio, Maikapat a Gunggona (₱750) babaen ti daniwna a "Sibibiag ti Pluma iti Santa Teresita;" ken Rolando A. Seguro Jr., Maikalima a Gunggona (₱500) babaen ti daniwna a "Santa Teresita, Ili ti Namnama."
Tabag, nailayon a presidente ti GUMIL Filipinas
Nagpaay a hurado ni Daniel L. Nesperos idinto a nagserbi a secretariat ti GUMIL Filipinas. (GF Secretariat)
