Saan nga inanamongan ni Presidente Ferdinand Marcos Jr. ti resulta ti panagsukimat ti kabsatna a ni Senadora Imee Marcos maipapan iti pannakaarestar ni dati a presidente Rodrigo Duterte.
Daytoy ti ababa ken direkta a sungbat ni Presidente Marcos ita nga aldaw, Abril 29, kalpasan ti idadar-ayna iti graduation rites ti Philippine National Police Academy (PNPA) "Sinaglawin" Class of 2025 iti Camp General Mariano N. Castañeda iti Silang, Cavite.
Kinuna ti senadora a kabsat ti presidente a plinano ti administrasion ti pannakakemmeg ni Duterte tapno maipababa dagiti Duterte, ken impapilitna a mailabsing iti linteg ti Filipina ti pannakakemmeg ti dati a presidente.
Kinuna ti senadora a "politically motivated" ti pannakaarestar ken pannakaisuko ni Duterte iti International Criminal Court (ICC) tapno maiguyod iti baba dagiti Duterte sakbay a dumteng ti 2028.
Sek. Remulla ti DOJ, saan a mabuteng a maidarum iti Ombudsman
Naarestar ni Duterte idi Marso 11 sa naipan iti ICC iti isu met laeng nga aldaw. Dimmalan ti warrant of arrest ti ICC, iti Interpol a tinulongan ti gobierno ti Filipinas kas panangtungpal iti obligasion daytoy iti Interpol. (Betheena Unite/Manila Bulletin//Lito Hilidon/Bannawag)
