Agtultuloy ti naannayas a taray ti kandidatura ni Camille Villar iti yaasideg ti 2025 elections. Iti panagkampaniana iti ngudo ti lawas iti Muntinlupa, inyendorso a mismo ni Mayor Ruffy Biazon.
Iti panagsaritana iti sanguanan dagiti tattao nga agdidir-i, nagyaman ni Villar ken ni Mayor Biazon ken dagiti umili ti Muntinlupa iti nabara a panangpasangbayda kenkuana ket inkarina a tagipatgenna ti ramut ti pamiliada iti siudad ket ipariknana dayta babaen ti dedikado a serbisio publiko.
“Adda naisangsangayan a puesto ti Muntinlupa iti pusok,” kinuna ni Villar. “Ni lolongko, ni Dr. Filomino Aguilar, nagserbi a doktor ti bario ditoy ken iti Las Piñas. Paset ti pakasaritaan ti pamiliami daytoy a siudad.”
Inkari ni Villar, nga agkampania iti plataporma a naipannurok iti pannakapapigsa ti ekonomia, salun-at dagiti babbai, edukasion, housing, ken financial literacy, nga agbalin a napigsa a timek dagiti Filipino iti Senado.
Kaso a pammapatay, naipila kontra iti suspek iti panagpadalis iti Vancouver street festival a nakatayan ti 11
Ti amana a ni dati a Senate President Manny Villar ti pannakabagi ti Muntinlupa ken Las Piñas iti Kongreso manipud 1992 agingga 1998 ken isu ti akinggakat iti linteg a namagbalin iti Muntinlupa kas siudad idi 1995. Naipasngay met ti inana a ni Senador Cynthia Villar idiay Muntinlupa ken nagadal iti nasao a siudad.
“Tunggal adda gundawayko, ikagumaak ti agsubli,” kinuna ni Camille. “Saan laeng a siudad a pagserbianmi ti Muntinlupa— maysa daytoy a pagtaengan.”
Inggibus ni Villar ti panagsaona babaen ti maysa a kari: “Bay-anyo a siak ti agbalin a timekyo. Pagbibinnuligantayo nga idur-as ti biag dagiti kailiantayo.”
Iti agtultuloy a yaadu dagiti dadakkel a nagan ken nalalatak a politiko a mangyen-endorso ken ni Villar ken iti napintas a gapuanan ken pannakilangen ti pamiliana kadagiti gagangay a tattao, isu ti maysa kadagiti makita a napigsa ti labanna kadagiti agngayangay a Senador iti masungad a panagpipili.
