Bayat nga umas-asideg ti 2025 midterm elections, dakkel ti nagun-od ni kandidato a senador Camille Villar a suporta ti Western Visayas kalpasan a nagun-odna ti suporta dagiti nalatak a lider ti Iloilo City bayat ti kickoff rally ti Team Uswag iti Iloilo Freedom Grandstand idi napan a Biernes.
Nabara ti pannakaabrasa ti agkabannuag nga agpampanday-linteg-negosiante babaen dagiti kandidato ti Team Uswag nga idauluan ni mayor aspirant Inday Raisa Treñas ken ti agdama a Bise Mayor Jeffrey Ganzon, bayat ti proclamation event-da. Iti nasao a rally a naitampok ti dumakdakkel a suporta para iti platapormana ni Villar a mangipaay kadagiti kasapulan ti rehion.
"Suportarantayo ni Camille Villar, #66 para iti Senado!" kinuna ni Raisa Treñas iti tallaong. "No agtitinnulongtayo, makaaramidtayo iti positibo a panagbalbaliw!"
Sinuportaran met ti Uswag Ilonggo party-list, nga irepresentar ni Rep. James "Jojo" Ang, ni Villar. Inkari dagiti dadaulo ti partido iti panangallukoyda kadagiti kamengda a mangsuportar iti kandidaturana iti kinasenador.
Saludsod ni Rep. Ortega ken ni Sara Duterte: Napudnoka kadi iti Filipinas wenno iti China?
Iti panagbitlana, inulit ni Villar ti karina a mangidur-as iti lehislasion a mangipangpangruna kadagiti oportunidad iti ekonomia, pannakapataud dagiti trabaho, panagpapada ti katatao, ken reporma iti edukasion. Impaganetgetna pay ti panangitandudona iti pannakapaadda ti bukod a pagtaengan para kadagiti amin a pamilia a Filipino.
"Ituloyko nga itandudo dagiti programa a mangipaay iti pagbiag, trabaho, ken pagtaengan para iti tunggal pamilia a Filipino," kinunana, idinto nga intampokna ti nabayagen a panagtrabahona iti gobierno ken pribado a sektor.
Kinunana a pagbalinenna ti nasurok a 15 a tawen a padasna iti serbisio publiko ken negosio a kas nasamay ken mapangnamnamaan a kameng ti Senado.
"Nakasaganaak nga agbalin a baro a timekyo iti Senado—timek a dumngeg, agtignay, ken mangidanon kadagiti solusion dagiti kasapulan dagiti kakailiantayo," kinuna ni Villar.
Kas kaubingan kadagiti kandidato a senador, nalaka laeng a maidanon ti mensahe ni Villar kadagiti naubbing a botante ken babbai, nga adu kadagitoy ti agsapsapul iti baro a panangmatmat iti panagpanday kadagiti nasional a paglintegan.
Ti panagparangna ni Villar idiay Iloilo ti nangipaneknek iti umad-adu a mangsupsuportar iti kandidaturana a naibatay iti plataporma ti irarang-ay ti amin ken praktikal a panagbalbaliw.
