Inlawlawag ni ACT-CIS Party-list Rep. Erwin Tulfo iti maysa a press conference a naangay iti Lucena City, Quezon Province idi Mayo 2, a saan a ni Rep. Camille Villar (Las Piñas City) ti maimbestigar mainaig iti parikut ti Prime Water.
Kinuna ni Tulfo a paset latta ni Villar iti Alyansa para sa Bagong Pilipinas, uray asino pay a personalidad ti mangyendorso kenkuana.
Segun ken ni Tulfo, ti kompania a Prime Water a kukua ti pamilia a Villar, saan a ni Rep. Villar, ti maimbestigar.
Patien ni Tulfo a saan a politika ti makaigapu iti pannakaimbestigar ti Prime Water.
Walo iti 10 a biktima iti road crash iti SCTEX, agturong iti religious summer camp
Maipapan iti kasasaad ni Villar iti Alyansa, inlawlawag ni Tulfo a saanda a kagura ni Villar gapu laeng ta inyendorso ti bangir a partido, ta adda ti makunkuna a common candidate iti eleksion. (Ellson Quismorio/Manila Bulletin//Lito Hilidon/Bannawag)
