Imbilin ni Presidente Ferdinand Marcos Jr. ti pannakaimbestigar dagiti mapapati a substandard a bollard iti Ninoy Aquino International Airport (NAIA) kalpasan ti aksidente a napasamak itay ngudo ti lawas.
Binilin ni Marcos ni Sekretario ti Department of Transportation (DOTr) Vince Dizon a kitaenna ti proseso ti pananggatang ken ti specification ti bollard project a naipasdek iti NAIA Terminal 1 idi Hulio 2019.
Nabilin pay ni Dizon a sukimatenna amin a bollard kadagiti eropuerto, ket sukatanna a dagus dagiti addan depekto.
Iti maysa a video, imbilin ni Marcos ti maipasardeng dagiti saan a natalged nga ar-aramid iti sektor ti transportasion ti pagilian, kalsapan ti aksidente a napasamak iti SCTEX toll plaza ken iti NAIA Terminal 1. (Betheena Unite/Manila Bulletin//Lito Hilidon/Bannawag)
