Impalagip ni daulo ti Commission on Elections (Comelec) George Erwin Garcia idi Mayo 5 a maysa a pakaibatayan ti pannakadiskualipikar ti kandidato ti panangawat iti ania man a tulong manipud iti ganggannaet.
Daytoy ti kinuna ni Garcia iti hearing ti Senado ti Special Committee on Philippine Maritime and Admiralty Zones idi inimtuod ni Senador Joseph Victor “JV” Ejercito no ania ti aramiden ti Comelec kadagiti kandidato a supsuportaran ti gobierno ti China.
Kinuna ni Garcia a ti kuarta wenno ania man a kita ti tulong manipud kadagiti ganggannaet, agraman ti Filipino a nangwaswas iti citizenship-na, ti maysa a pagibatayan iti pannakadiskualipikar ti kandidato.
Segun ken ni Assistant Director ti National Security Council (NSC) General Jonathan Malaya, makitintinnulongda iti nadumaduma nga ahensia ti gobierno iti panagimbestigarda kadagiti kandidato a maatap a supsuportaran ti ganggannaet.
Maikadua a set ti ebidensia kontra ken ni Duterte, indatag ti ICC prosecutor
Kinuna ni Garcia a no matakuatanda a supsuportaran ti ganggannaet ti sibubukel a partido politikal ket saan laeng a maysa a kandidato, diskualipikarenda ti entero a partido.(Dhel Nazario/Manila Bulletin/Lito Hilidon/Bannawag)
