Indeklarar ti Malakanyang ti Mayo 12, ti aldaw ti panagbobotos, nga special non-working holiday iti entero a pagilian.
Babaen ti Proclamation No. 878, a naipaulog ita nga aldaw, Mayo 6, indeklarar ni Presidente Ferdinand Marcos Jr. ti Mayo 12 a kas national holiday tapno mawayaan dagiti Filipino nga agbotos para iti national ken lokal nga eleksion.
Naideklarar daytoy kalpasan a kiniddaw ti Commission on Elections (Comelec) ken ni Presidente Marcos a maideklarar ti Mayo 12 a holiday tapno makabotos dagiti botante.
Kinompirmar ni Undersecretary ti Presidential Communications Office (PCO) Claire Castro nga iwaragawag ti Malakanyang ita nga aldaw ti pannakaideklarar ti Mayo 12 a kas national holiday. (Betheena Unite/Manila Bulletin//Lito Hilidon/Bannawag)
