Impatuloden ti prosecutor ti International Criminal Court (ICC) kadagiti abogado ti depensa ni dati a presidente Rodrigo Duterte ti maikadua a set dagiti ebidensia iti kaso a crime against humanity a naipila maibusor kenkuana.
Iti maysa a dokumento idi Mayo 5, kinuna ti prosecution nga impalgakda iti defense team ti 139 items, a pakairamanan dagiti dokumento a nadakamat iti warrant of arrest ni Duterte.
Maibilang a "confidential" dagiti dadduma a detalye ti dokumento.
Kinuna ni ICC Prosecutor Karim Khan a naipalgaken idi Abril 30 kadagiti abogado ni Duterte dagiti namarkaan a Pre-Confirmation INCRIM Packages 002, 003 and 004, segun iti dokumento manipud iti Office of the Prosecutor.
Opisial ti gobierno nga insaklang ni Sen. Imee Marcos iti Ombudsman, mangipila iti counter affidavit
Mairaman iti dayta ti maysa nga artikulo a mangsakup idi panawen a ni Duterte ti mayor ti Davao City, ken 15 nga artikulo a mangsakup kadagiti barangay clearance operations iti pagilian idi nagakem a kas pangulo.
Inyawat ni Khan ti umuna a set ti ebidensia idi Marso 24.
Maaramid ti confirmation of charges hearing ni Duterte inton Septiembre 23, tapno maikeddeng no umdas dagiti ebidensia ket agtuloyda iti panangbista. (Joyce Ann L. Rocamora/PNA//Lito Hilidon/Bannawag)
