Mangipila iti counter affidavit dagiti opisial ti gobierno a papaimbestigaran ni Senador Imee Marcos iti Office of the Ombudsman (OMB) mainaig kadagiti alegasion iti pannakaarestar ni dati a presidente Rodrigo Duterte, segun ken ni Undersecretary ti Presidential Communications Office (PCO) Claire Castro.
Naibilin a mangipila iti counter affidavit da Sekretario ti Department of Justice Jesus Crispin Remulla, hepe ti Criminal Investigation and Detection Group (CIDG) Maj. Gen. Nicolas Torre III, Sekretario ti Department of Interior and Local government (DILG) Jonvic Remulla, Philippine National Police Chief Gen. Rommel Marbil, ken ni Special Envoy for Transnational Crime Markus Lacanilao.
Maigapu daytoy iti kiddaw ni Sen. Marcos nga imbestigaren ti Ombudsman dagiti opisial a nairaman iti pannakarestar ni Duterte idi Marso.
Segun ken ni Castro, kankanayon nga ibalakad ni Presidente Ferdinand Marcos Jr. kadagiti opisialna a surotenda ti linteg ken ti legal a proseso. (Betheena Unite/Manila Bulletin//Lito Hilidon/Bannawag)
