Tallo a bapor ti Chinese navy ken coast guard ti nangriribuk iti bapor ti Philippine Navy (PN) a dandani nagtungpal iti panagdinnungpar iti agarup 11 nautical miles ti Bajo de Masinloc, kinuna ti Armed Forces of the Philippines (AFP) ita nga aldaw, Mayo 8.
Segun iti AFP, agpatpatrulia ti bapor ti PN a BRP Emilio Jacinto (PS35) iti baybay idi Mayo 5 idi riribuken ida ti dua a bapor ti Chinese navy ken ti coast guard idi addadan iti 11.8 nautical miles iti abagatan a daya ti Bajo de Masinloc, wenno ti Scarborough Shoal.
Ip-ipusen ti Chinese frigate BN 554 ti PS35 idinto a bimmallasiw iti sangona ti BN 573 ket dandani nagresulta iti panagdinnungpar.
Pinadas met ti bapor ti Chinese coast guard 5403 a bangenan ti BRP Emilio Jacinto.
Kiko Pangilinan, ingganetgetna ti platapormana a seguridad iti taraon kadagiti botante iti Ilocos Sur
Rinaem ti AFP ti kinapropesional, panagteppel, disiplina nga impakita dagiti kameng ti PN a nakalugan iti BRP Emilio Jacinto.
Iti maysa nga statement, kinuna ti AFP a maikaniwas ti inaramid dagiti Chinese navy ken coast guard iti International Regulations for Preventing Collisions at Sea (COLREGs). (Aaron Recuenco/Manila Bulletin//Lito Hilidon/Bannawag)
