Para iti maudi a panangiganetgetna iti kampaniana, inyeg ni kandidato a senador Francis "Kiko" Pangilinan ti platapormana a seguridad iti taraon iti Ilocos Sur.
Iti pannakisaritana kadagiti supporter-na bayat ti panagtakderna iti pick-up truck a napagbalin a makeshift stage iti sango ti Ilocos Sur Provincial Capitol idi Huebes, Mayo 8, kiniddaw ti dati a senador ti suportada kadagiti nabatbati nga aldaw agingga iti aldaw ti eleksion.
Mamati ni Pangilinan nga adda pay dakkel a pakaiduronan ti kandidaturana tapno ngamato pay ti ranggona agingga iti Mayo 12 ta 20 a porsiento kadagiti botante ti pinal a mangddengto pay laeng no asino ti botosanda iti mismo nga aldaw ti eleksion.
“Walang bibitiw. Tuloy-tuloy ang pagkukumbinsi. Sa totoo lang, base rin sa research hanggang 20 porsiento po ng botante hanggang sa araw ng halalan, hindi pa magde-decide. Doon na lang sa araw ng halalan sasabihin, ‘Teka muna nga, sino nga ba ang ating senador?” kinunana.
Makabayan bloc, mangipila iti baro nga impeachment complaint kontra ken ni VP Duterte kalpasan ti one-year ban
“Kaya kinakailangan puntahan pa sila, mag-marites na 'wag maniwala sa kasinungalingan. Doon lamang sa katotohanan," innayonna.
Bimmaba ti ranggo ni Pangilinan kadagiti kaudian a surbey sakbay ti eleksion, a nangipan kenkuana iti ruar ti mangabak a Magic 12, nupay statistically possible pay laeng a makastrek iti maudi a puesto.
“Pito hanggang walo ang naglalabanan sa huling tatlo o apat na slot kaya sabi nga nila, it’s neck-and-neck at dahil neck-and-neck, pu-puwede pa ba na tuloy-tuloy pa natin yung pagkukumbinsi dito sa Vigan, dito sa Ilocos Sur?” kinunana.
Iti nabatbati a dua laengen nga aldaw ti campaign period, rikrikusen ni Pangilinan ti amianan a Luzon--ti umuna a ket Ilocos Sur, a nangipalagipanna a nangabakanna iti naudi a tallo a daras a panagtarayna kas senador, sa sumaruno a mapan iti La Union ken Pampanga.
Kas paset ti caravan-na iti Luzon, mapanto pay iti Tarlac ken Pampanga inton Mayo 9, ken iti Bulacan ken Quezon City inton Mayo 10, ti maudi nga aldaw ti campaign period. (Raymund Antonio/MANILA BULLETIN)
