Ni latta Bong Go ti umun-una iti naiget a salisal iti kina-Senador, segun iti kaudian a nailian a surbey nga inwayat ti Arkipelago Analytics. Ti surbey a naiwayat manipud Abril 26 agingga iti May 1, 2025, napagsaludsodan ti 1,400 rehistrado a botante babaen ti rupanrupa nga interbiu, a nakaipakatan ti proportional stratified random sampling tapno masigurado ti nalawa a representasion ti pakabuklan ti populasion. Addaan ti surbey iti ±3 percent a margin of error ken 97 porsiento a confidence level.
Adayo ti pangitarayan ni Bong Go nga addaan iti 63 porsiento a suporta dagiti botante, sumarsaruno ti broadcaster a ni Erwin Tulfo iti 55 porsiento sa ni dati a Philippine National Police Chief Ronald “Bato” Dela Rosa iti 47 porsiento. Agtabla met da Ben Tulfo ken Tito Sotto iti maikapat a puesto nga addaan iti 42 porsiento a panagkursonda dagiti botante. Sumarsaruno laeng met da Senador Pia Cayetano (41 porsiento), Camille Villar (40.5 porsiento), Ramon Bong Revilla (39 porsiento), Lito Lapid (38.7 porsiento), ken Willie Revillame (38 porsiento), para iti Top Ten a kandidato.
Sumarsaruno da Rodante Marcoleta (34 porsiento), Bam Aquino (33.5 porsiento), ken Imee Marcos (33 porsiento). Nagtatabla met iti 32 porsiento da Abby Binay, Ping Lacson, Manny Pacquiao, ken Phillip Salvador. Sumarsaruno kadakuada da Kiko Pangilinan ken Jimmy Bondoc nga agpada a 29 porsiento, sa ni Gringo Honasan (27 porsiento).
Sumarsaruno da Benhur Abalos (21 porsiento), Francis Tolentino (20.5 porsiento), ken agpada a 20 porsiento da Raul Lambino ken Atty. Vic Rodriguez sa ni Colonel Bosita (17 porsiento), Doc Marites Mata (16.5 porsiento), Jayvee Hinlo (16 porsiento), Amirah Lidasan (12 porsiento), Nur-Ana Sahidulla (11 porsiento), Apollo Quiboloy (10.5 porsiento), ken Eric Martinez (5 porsiento).
Defense system nga agpannuray iti bukod a kabaelan, buklen ti Filipinas
Impakat ti Arkipelago Analytics ti hybrid weighting method, a namagtipon iti popularidad (70 porsiento) ken voter conversion efficiency (30 porsiento), tapno maiparang saan laeng iti pannakabigbig iti kandidato no di pay ti posible a panagmata dagitoy kas botos. Itampk daytoy a wagas ti naiget a salisal kadagiti posision manipiud iti maikapat agingga iti maikasangapulo, a bassit laeng ti pagdidiperensiaanda.
Maysa nga independiente a research firm ti Arkipelago Analytics para iti public opinion polling, election forecasting, ken policy analysis. Mangipakpakat kadagiti kabaruanan a wagas tapno maipaay ti komprehensibo, umisu ken maaksionan a makuna para kadagiti maseknan iti sapasap a tay-ak ti politika.
