Saan a suportaran dagiti diputado nga oposision ti impeachment complaint nga impila ti Duterte Youth Party-list kontra ken ni Presidente Marcos Jr., a kinunada a maysa daytoy a "desperado a taktika a pangisiasi" tapno kalubanda dagiti kaso a sangsanguen ti pamilia Duterte.
Kinuestionar da Diputado Arlene Brosas (Gabriela Party-list), Raoul Manuel (Kabataan Party-list) ken France Castro (ACT Teachers' Party-list) ita nga aldaw, Mayo 9, daytoy a tignay ni Duterte Youth Party-list Rep. Ronald Cardema, ket kinunada a maysa laeng daytoy a panangipakita iti panangpadas, ta ammona a saan a nakasesion ti Kongreso.
Malaksid iti daytoy, patienda a daytoy a tignay ket nalawag a nairanta a mangibaw-ing iti atension ti publiko iti impeachment case kontra ken ni Bise Presidente Sara Duterte, a supsuportaran ti adu nga ebidensia ti panagkunniber ken panangabuso iti autoridad.
Naibatay ti impeachment complaint ni Cardema iti maipagarup nga "illegal a pannakaarestar" ni dati a presidente Rodrigo Duterte.
Saan a Marcos:' Romualdez, Araneta ti mangiturturay it gobierno --Imee Marcos
Patien ni Castro a saan nga agballigi ti impeachment complaint a panggep nga ipila ni Cardema. (Joseph Pedrajas/Manila Bulletin//Lito Hilidon/Bannawag)
