Nakarit nga imbatad ni reelektionista a senador Imee Marcos iti baro a politikal nga anunsiona, a nangibagaanna a saanen a Marcos ti mangiturturong iti agdama nga administrasion no di ket Romualdez ken Araneta.
"Saan a Marcos ti mangiturturay ita. Ti mangiturturay ket Romuladez ken Araneta," kinuna ni Sen. Marcos, a dinakamatna da House Speaker Martin Romualdez ken First Lady Liza Araneta-Marcos, nga agpada nga addaan dakkel nga impluensia iti agdama nga administrasion.
Impaganetget ni Sen. Marcos a saanna a kayat ti makikappon kadagiti politiko a nangakusar ken nangidadanes idi iti pamiliana.
Kadagiti napalabas nga interbiu, kinuna ni Sen. Marcos a saanna pay nakasarita ti kabsatna a ni Presidente Ferdinand Marcos Jr. iti sumagmamanon a tiempo, a dinakamatna dagiti di nainaganan a tattao a kakadua ti kabsatna a namagsisina kadakuada sipud pay idi. (Dhel Nazario/Manila Bulletin//Lito Hilidon/Bannawag)
