Inkari ni Presidente Ferdinand Marcos Jr. a saan nga agsanud ti Filipinas iti panangsalaknib iti teritoriona, a nangipasingked iti natibker a takder iti kinasoberano iti baet dagiti agtultuloy a riribuk iti rehion.
Daytoy ti kinuna ni Marcos iti panangidaulona iti kampania ti Alyansa Para sa Bagong Pilipinas a naangay iti Siudad ti Mandaluyong idi Mayo 9.
Inkampania ni Marcos ti 11 a kandidato para senador ti partido ti Alyansa Para sa Bagong Pilipinas.
Impaganetget ni Marcos a ti nailian a seguridad ken panangsalaknib iti teritorio ti pagilian ti maysa kadagiti ipangpangruna ti administrasionna. Innayonna a karbengan ti agwaywayas nga estado a salakniban ti kalintegan ti pagilian.
Defense system nga agpannuray iti bukod a kabaelan, buklen ti Filipinas
Malaksid iti daytoy, pinaregta ti presidente dagiti lokal nga opisial a mangitandudo iti kinatured babaen ti panangilungalongda iti panagturay ken panagdur-as a pakairamanan ti amin. (Argyll Cyrus Geducos/Manila Bulletin//Lito Hilidon/Bannawag)
