Adayon ti nangitarayan ni dati a police chief ken retirado a police general Edgar “Egay” Aglipay kadagiti kasalisalna iti kinagobernador ti probinsia ti Cagayan.
Iti naudi a partial ken unofficial a resulta manipud iti datos ti COMELEC ita a Mayo 13, 2025, 10:01 AM, segun iti 83.6% ti Election Retuns, nakaalan ni Aglipay iti 215,201 a botos.
Sumarsaruno ni Zarah Lara, iti botosna a 192,503; sa ti agdama a bise gobernador ti probinsia a ni Melvin "Boy" Vargas Jr., iti 127,109 a botosna.
Dakkel met laeng ti umab-abantean ti kapareha ni Aglipay a para bise gobernador a ni outgoing governor Manuel Mamba, a nakaalan iti 290.448 a botos. Sinaruno ni nagbise a gobernador Leonides "Odi" Fausto, iti 109,448 a botosna; sa ni naggobernador Alvaro Antonio, 101,719 a botos.
Cayton, nangabak a kongresman ti Nueva Vizcaya
Dagiti sumaganad met dagiti mangidadaulo a kandidato para bokal:
1st District (Alcala, Aparri, Baggao, Buguey, Camalaniugan, Gattaran, Gonzaga, Lal-lo, Santa Ana, Santa Teresita.): Rowena "Weng" Retoma, 79,310; Kamille Ponce, 71,882; ken Romeo Garcia, 66,471,
2nd District (Abulug, Allacapan, Ballesteros, Calayan, Claveria, Lasam, Pamplona, Piat, Rizal, Sanchez-Mira, Santa Praxedes, Santo Niño): Randy Ursulum, 85,356; Kevin Timbas, 60,975; ken Vilmer Viloria, 60,058.
3rd District (Amulung, Enrile, Iguig, Peñablanca, Solana, Tuao, Tuguegarao City): AJ Ponce, 97,254; Jojo Caronan, 74,624; Romar De Asis, 66,337; ken Raymund Guzman, 60,971. (BANNAWAG News Team)
