Nangabak a baro a kongresman ti kakaisuna a kongresional a distrito ti Nueva Vizcaya ni Atty. Timothy Joseph Cayton, outgoing a mayor ti ili ti Dupax del Norte.
Improklamar ti Provincial Board of Canvassers ita nga aldaw, Mayo 13, 2025, ni Cayton, a nakaala iti 93,797 a botos, segun iti kaudian a partial ken unofficial a resulta manipud iti datos ti COMELEC, Mayo 13, 1:57PM, a 93.36% ti Election Retuns.
Nakabalubal ni Cayton da incumbent a provincial board member Jose "Tam-an" Tomas a nakaala iti 71,858 a botos; dati a gobernador ken asawa ti pimmusay a dati a kongresman ken dati a gobernador Carlos M. Padilla a ni Ruth Padilla, iti botosna a 54,232.
Dadduma pay a kandidato: retirado a police general Valeriano De Leoan, 8,351 a botos; Jun Manghi, 2,467; Jay Padilla, 1,584; ken Lawrence Santa Ana, 159. (BANNAWAG News Team)
