Mangat-atiw manen ti dua nga incumbent ken maysa a dati a kongresman ti tallo a congressional district ti probinsia ti Cagayan.
Segun iti kaudian a partial ken unofficial a resulta manipud iti datos ti COMELEC ita a Mayo 13, 2025, 10:01 AM, segun iti 83.6% ti Election Retuns:
Iti umuna a distrito, a buklen dagiti ili ti Alcala, Aparri, Baggao, Buguey, Camalaniugan, Gattaran, Gonzaga, Lal-lo, Santa Ana, ken Santa Teresita, nakaalan ni dati a kongresman Ramon Nolasco Sr. iti 104,473 a botos, idinto a nakaala metten iti 76,211 a botos ni Florante Pascual.
Maikadua a distrito a buklen dagiti ili ti Abulug, Allacapan, Ballesteros, Calayan, Claveria, Lasam, Pamplona, Piat, Rizal, Sanchez-Mira, Santa Praxedes, ken Santo Niño: Baby Aline Vargas-Alfonso, 87,621 a botos, idinto a 54,828 met ti botos ni agdama a mayor ti Allacapan Harry Florida. Nakagun-od metten ni dati a gobernador Edgar Lara iti 5,778 a botos.
Cayton, nangabak a kongresman ti Nueva Vizcaya
Maikatlo a distrito a buklen dagiti ili ti Amulung, Enrile, Iguig, Peñablanca, Solana, Tuao, ken siudad ti Tuguegarao: Joseph "Jojo" Lara, a nakaalan iti 120,070 a botos, idinto 78,117 metten ti botos ni dati a kongresman ken dati a mayor ti Tuguegarao Randolf "Randy" Ting. (BANNAWAG News Team)
