Ni Jamila Ruma (tengnga), kaduana ti kabsatna ken ti nanangna (kanawan).

Iti 21 a tawenna, nagbalin ni Jamila Ruma a kauubingan a mayor iti Filipinas iti agdama, iti panangabakna a kas baro a mayor ti Rizal, Cagayan.

Intuloy ni Jamila, kas substitute a kandidato, ti kandidatura ti amana a ni Atty. Joel Ruma, mayor ti Rizal, a napapatay iti pammaltog kabayatan ti panagkampaniana a kas reeleksionista a para mayor iti Brgy. Illuru, Rizal idi Abril 23, 2025.

Iti partial ken unofficial a resulta manipud iti datos ti COMELEC ita nga aldaw, Mayo 14, 2025, manipud iti 90.67% ti Election Returns, nakaala ni Jamila (Ruma, Joel) iti 6,298 a botos. Dua ti nakalabanna a kandidato, da Ralph Mamauag, a nakaala iti 4,146 a botos; ken Florence Littaua, 175 a botos.

Kadua ni Jamila a nangabak ti nanangna a ni Atty. Brenda Ruma a nagkandidato kas bise mayor, a nakaala iti 6,448 a botos.

Lokal

Gobernador, bise gobernador ti Pangasinan, nailayon

(halalanresults.abs-cbn.com)

Maysa a consistent a dean's lister idi nagbasa iti De La Salle University Manila, tinurpos ni Jamila ti kurso a Bachelor of Arts in Development Studies, a nakagun-odanna pay iti Best Thesis ken Best Thesis Presenter. (rva)