Panggep ni Chairman ti Commission on Elections (Comelec) George Erwin Garcia nga iproklamar dagiti nangabak a senador inton umay a lawas.
Segun ken ni Garcia, 98.9 a porsiento ti naawatdan a pakabuklan ti resulta, ken bassit laengen ti di pay nabilang.
Inlawlawag ni Garcia a nupay adda pay bassit a di nabilang, awan ti epekto daytoy a bilang iti resulta ti eleksion, ngem masapul latta a leppasen ti Comelec ti 100% a panangbilang nga awan labsanda a Certificates of Canvass (COC).
Segun iti datos ti Comelec, agdagup iti 92,494 (99.04 a porsiento) dagiti lokal nga Election Return (ER) ti naawatda kadagiti 93,387 nga ER a padpadaananda. Aganay a 893 laengen ti saanda pay a naawat.
Partido ni Romualdez, agtalinaed a dominante iti maika-20 a Kongreso
Agdagup iti 175 a COC ti namnamaen a maawat ti Comelec, a pakairamanan ti Local Absentee Voting (LAV), 82 a probinsia, 26 a highly urbanized a siudad, dua a district board of canvassers, ken 64 kadagiti overseas voting. (Dhel Nazario/Manila Bulletin//Lito Hilidon//Bannawag)
