Ti latta Lakas-Christian Muslim Democrats (Lakas-CMD) nga idadauluan ni Martin Romualdez ti maibilang a majority a partido politikal iti Kamara iti mapasungad a maika-20 a Kongreso.
Daytoy ti kinuna ni Romualdez kalpasan nga inwaragawagna a 104 a puesto iti Kamara ti naala ti Lakas-CMD iti kalkalpas a midterm election. Ni Romualdez ti agdama nga Speaker ken presidente ti Lakas-CMD.
Impatulod ti Commission on Elections (Comelec) daytoy nga impormasion ken ni Romualdez babaen ni Lakas-CMD Executive Director Anna Capella Velasco, a mangiparparang a 104 ti nangabak manipud iti 128 a kandidato ti partido.
Buklen daytoy ti 79 a reeleksionista ken 25 a baro a diputado a mangipakita iti natimbeng a panagtipon ti padas ken baro a pigsa iti salinong ti dumakdakkel a partido.
Nangabak a senador, iproklamar ti Comelec inton umay a lawas
Segun ken ni Romualdez, daytoy a botos ti mangipakita iti panagtalek ti publiko saan laeng a kadagiti kandidato ti partido, no di ket pay iti panangituray ken panagkaykaysa nga ilunglungalong ti Lakas-CMD.
Awan ti kinabinnalubal (unopposed) ni Romualdez a kas diputado ti 1st District ti Leyte. (Ellson Quismorio/Manila Bulletin//Lito Hilidon/Bannawag)
