Idagdagadag ti Department of Migrant Workers (DMW) kadagiti illegal nga Overseas Filipino Workers (OFW) iti Saudi Arabia a maibilang a kas “runaway” wenno “huroob,” a dumawat iti innem a bulan nga amnestia a mangipalubos kadakuada a mamagbalin a legal ti estadoda wenno makasublida iti pagilian nga awan ti dusada.
Segun ken ni Undersecretary for Middle East and African Affairs ti DMW Jainal Rasul Jr., agpaut ti "correction period," a pinatgan ti Ministry of Human Resources and Social Development (MHRSD) ti Saudi Arabia, manipud idi Mayo 11 agingga inton Nobiembre 10.
Kinuna ni Rasul a napateg daytoy a gundaway kadagiti illegal nga OFW tapno maatur ti legal nga estadoda--babaen ti panangalada iti baro nga employer a mangiproseso iti "iqama" wenno babaen ti panagawidda iti Filipinas.
Maibatay iti datos ti DMW, nasurok a 100 a Filipino domestic workers iti Riyadh ken Jeddah, idinto a 54 iti Al Khobar, ti nakalaan iti exit visa-da ken ur-urayendan ti travel arrangement manipud iti recruitment agency wenno iti Overseas Workers Welfare Administration (OWWA).
Presidente Marcos, saanna a biangan ti impeachment trial ni Sara Duterte
Kinuna ni Rasul a sisasagana ti legal team ti DMW a mangtulong kadagiti naibalud a mangmangged babaen ti tulong dagiti legal retainer ti Saudi, tapno maikkan dagiti naapektaran nga OFW iti kasapulan a tulong, bayat ti amnesty period. (Trixee Rosel/Manila Bulletin//Lito Hilidon/Bannawag)
