Saan a madanagan ni Senate President Francis “Chiz” Escudero iti ania man a posibilidad a panagbaliw ti liderato ti Senado, ta paset daytoy ti biag dagiti senador.
Daytoy ti sinao ni Escudero iti rimmuar a damag a sisasagana ni Senador Vicente “Tito” Sotto III nga agsubli a kas Senate President no maalana ti suporta ti mayoria inton aglukat ti maika-20 a Kongreso itoy a Hulio.
Kinuna ni Escudero nga asino man nga addaan iti bilang ti mayoria, masapul nga awatenna ti pagrebbengan ken ti karit no adda kenkuana ti panagtalek ti ad-adu a senador.
Itay kallabes, kinuna ni Sotto nga awatenna ti akem a kas Senate President no adda 13 wenno ad-adu pay a senador ti kumanunong kenkuana.
Presidente Marcos, saanna a biangan ti impeachment trial ni Sara Duterte
Ni Sotto ti daulo ti Senado sakbay a nalpas ti terminona idi Hunio 2022, ket sinaruno ni Sen. Juan Miguel “Migz” Zubiri sakbay a sinublat ni Escudero. (Hannah L. Torregoza/Manila Bulletin//Lito Hilidon/Bannawag)
