Da Abra governor-elect Eustaquio Bersamin, congressman-elect JB Bernos, ken vice governor-elect Anne Bersamin (maika-2, maika-3 ken maika-5 manipud kanigid) (PNA photo ni Liza T. Agoot)

Indauluan ni Joseph Sto. Niño "JB" Bernos, a nabotosan a baro a kongresman, dagiti nangabak a kandidato iti Abra a datin a nagnagan iti lokal a politika ti probinsia.

Nakagun-od ni Bernos, nga incumbent a mayor ti ili ti La Paz, iti 137,542 a botos segun iti kaudian (Mayo 15, 2025) a partial ken unofficial a resulta manipud iti datos ti COMELEC. Nakalabanna a para kongresman ni Mila Valera a nakaala iti 23,094 a botos.

Iti kinagobernador, nakaala ti Eustaquio "Takit" Bersamin, manong ni Executive Secretary Lucas Bersamin, iti 130,512 a botos. Ni Joaquin Enrico "Kiko" Bernos a kinalabanna, nakaala iti 34,222 a botos.

Nagpaay ni Eustaquio Bersamin kas gobernador iti tallo a termino, sa nagkandidato manen a para gobernador idi 2022 ngem naabak kontra ken ni Joy Valera-Bernos.

Lokal

Gobernador, bise gobernador ti Pangasinan, nailayon

Nangabak a baro a bise gobernador ti kabsat ni Takit a ni Anne Bersamin, iti naalana a 127,534 a botos. Nakalabanna ti ina ni Kiko Bernos a ni Joy Bernos, nga addaan iti 35,431 a botos.

Kaanakan ni JB Bernos ni Kiko Bernos, ta anak daytoy ti kabsatna a ni Ysrael Bernos, nga agtawen laeng iti 30 idi napapatay idi 2006 bayat ti panagtakemna a kas mayor ti La Paz. (Liza T. Agoot/Philippine News Agency)