Impaganetget ni Presidente Ferdinand Marcos Jr. ita nga aldaw, Mayo 15, a saanna a biangan ti impeachment trial ni Bise Presidente Sara Duterte, ta adda daytoyen iti sidong ti Senado.
Kinuna ni Undersecretary ti Presidential Communications Office (PCO) Claire Castro a bay-an ti presidente ti panagtulid ti proseso ken inanamaenna a tungpalen dagiti senador ti annongenda a patas ken siraraem ti rule of law.
Innayonna a saan a biangan ti presidente no ania man ti mapasamak iti impeachment trial, no la ket maitunos daytoy iti linteg.
Kinuna ni Castro a binalakadan ni Marcos dagiti senador nga agtignayda, saan a maipaay iti maysa laeng a tao, no di ket para kadagiti amin a Filipino. (Argyll Cyrus Geducos/Manila Bulletin//Lito Hilidon/Bannawag)
Nasional
