Ti panangabrasa ti Malakanyang iti "lehitimo nga oposision" iti umay a maika-20 a Kongreso, ken ti panangsupiatna kadagiti "manglapped," saan a nairanta a mangpangta iti asino man a senador.
Kinuna ni Undersecretary ti Presidential Communications Office (PCO) Claire Castro a saanda a pangpangtaan ti asino man iti inruarda nga statement nga abrasaen ti administrasion dagiti oposision ta kasapulan ida iti panangtaginayon iti demokrasia ti pagilian.
Maigapu daytoy iti kinuna ni Senador Ronald "Bato" Dela Rosa a saan a lapdan ti Duterte bloc iti Senado dagiti lehislasion ken programa ti administrasion ni Marcos, ngem saanen a nasken nga agpangta daytoy.
Impaganetget ni Castro a dagiti laeng manglaplapped ken mangperperdi laeng ti ar-aramidenda ti supsupiaten ti administrasion.
Filipinas, agpatulong iti Interpol iti pannakaarestar ni Harry Roque
Segun ken ni Castro, saan a lapdan ni Marcos ti ania man a singasing a programa ti masungad a Kongreso ket namnamaenna a saanda koma a supiaten dagiti legislative agenda ti administrasion gapu laeng iti politika.
Kinuna ni Castro a kayat ti presidente nga idian koman dagiti nabotosan a mammanday-linteg ti napolitikaan a maris ken adaywanda ti politika iti panangbukelda kadagiti baro a paglintegan. (Betheena Unite/Manila Bulletin//Lito Hilidon/Bannawag)
