Nadutokan ni Undersecretary ti Department of Migrant Workers (DMW) Patricia Yvonne Caunan a kas baro nga administrador ti Overseas Workers Welfare Administration (OWWA), a nangsukat ken ni Arnell Ignacio.
Nagsapata ni Caunan iti sango ni Sekretario ti DMW Hans Leo J. Cacdac idi Mayo 16.
Segun ken ni Cacdac, nauneg ti padas ni Caunan iti international labor policy a mausarna iti panangitandudona iti pagimbagan dagiti Overseas Filipino Workers (OFWs).
Sakbay ti pannakadutokna, dakkel ti nagakman ni Caunan iti pannakabukel ti 15 a bilateral labor agreement kadagiti nadumaduma a pagilian kas iti Canada, Austria, Saudi Arabia, Qatar, Finland, Denmark, Singapore, Croatia, Slovenia, ken Kuwait kas DMW Undersceretary, a mangpatibker iti panangsalaknib kadagiti OFW iti sangalubongan.
ICC prosecutor Karim Khan, naglusulos
Iti sabali a bangir, indauluan ni Ignacio ti OWWA idi 2022 kalpasan a dutokan ni Marcos. Nagpaay pay a kas deputy administrator ti nasao nga ahensia manipud 2018 agingga 2019 idi panawen ni dati a presidente Rodrigo Duterte. (Martin Sadongdong/Manila Bulletin//Lito Hilidon/Bannawag)
