Impalgak ti pamilia ti maysa nga opisial ti Philippine Coast Guard (PCG) a natay iti multi-vehicle accident iti Subic–Clark–Tarlac Expressway (SCTEX) dua a lawasen ti napalabas, a nawayawayaanen ti drayber ti bus a responsable iti nasao nga insidente manipud iti detention kalpasan a nagpiansa daytoy.
Nairuar iti pagbaludan ni Teodoro Merjan, drayber ti bus ti Pangasinan Solid North Transit Inc. a nangdungpar iti uppat a lugan iti maikadua a lane ti exit toll plaza ti SCTEX idi Mayo 1, dua nga aldaw kalpasan a nagpiansa iti ₱60,000, segun iti pamilia ni PCG Seawoman 1 Dain Janica Alinas ken ti asawana a ni Jon-jon.
Mapapati a napasamak ti panangdungpar ti bus gapu iti pannakaturog ti drayber bayat ti panagmanehona. Sangapulo ti natay iti aksidente a pakairamanan dagiti agassawa nga Alinas.
Iti maysa nga interbiu idi Biernes, Mayo 16, kinuna ti maysa a kabagian a babai dagiti Alinas, a nagkiddaw a saan a maipakaammo ti naganna, a mariribukan ti pamiliada no apay a naikeddeng a ₱60,00 laeng ti piansa para iti drayber ti bus.
'Supermajority': Kaaduan a nangabak a kongresman, suportaranda ni Romualdez
Inlawlawagna a nakitana iti Facebook ti news report a ti drayber ti SUV iti sabali pay nga aksidente idiay Ninoy Aquino International Airport (NAIA) a nakatayan ti dua idi Mayo 4 ket nawayawayaan babaen ti ₱100,000 a piansa.
“’Di ba po dalawa ‘yung naging biktima doon [sa NAIA crash] tapos ang naging bail ay ₱100,000. Kaya nagtataka po kami, ‘yung family namin bakit itong sampu ang napatay ng bus driver pero ₱60,000 lang ang bail na binigay ng court?," kinunana.
Mainaig itoy, nagdalan ti bus driver iti inquest proceedings iti Municipal Trial Court in Cities (MTCC) iti Tarlac idi Mayo 2. Iti simmaruno nga aldaw, pinalubosan ti korte ni Merjan nga agpiansa gapu iti kasona a pakairamanan ti reckless imprudence a nagresulta iti multiple homicide, multiple physical injuries, ken pannakadadael ti sanikua ken dadduma pay.
“Noong nagkita po kami sa court ni minsan hindi rin po nanghingi ng pasensya ‘yung driver. Walang remorse,” kinuna ti kabagian dagiti Alinas. "We are also confused bakit sa lower court nakafile at hindi sa RTC."
Kinuna ti pamilia ni Alinas a mariknada nga “unfair” ti mapaspasamak.
“Bakit ganon, parang ang unfair ng labas. Ang bilis lang naprocess sa kanya,” kinuna ti kabagian dagiti Alinas.
“‘Yung ₱60,000 for me is parang madali lang para sa driver iproduce eh. Pero ‘yung sampung buhay na nawala niya ay ganun na lang kabilis ‘yun. ₱60,000 lang ‘yun tapos makakalaya na siya,” innayonna.
Kiniddaw ti pamilia dagiti agassawa nga Alinas ken ni Presidente Marcos Jr., ti gobierno nasional, ken ti PCG a tumulong kadakuada a manggun-od iti hustisia “iti kabiitan a panawen” ken tumulong kadagiti amin a pamilia dagiti nadungpar iti SCTEX.
“Ngayon pa lang po nagsisink in sa amin ‘yung lahat habang pinaprocess namin ‘yung mga papel eh. Ngayon lang kami humaharap sa reality na wala na talaga sila and naging victim sila ng ganoong aksidente (It’s only now that the situation has sunk in while we are processing the papers. It’s only now that we are facing the reality that,” kinuna ti kabagian dagiti Alinas.
Kabayatanna, kiniddaw ti pamilia ti privacy maipapan iti kasasaad ti dua ti tawenna nga anak ti agassawa nga Alinas a nakalasat iti aksidente. (Martin Sadongdong/MB)
